E imja simpati
Bie shi mbi flokun tënd
I jep botës gjallëri
Nuri yt më lë pa mend
Sy i bukur më je ti
Seç më vjen një afsh i rrallë
Të ta puthë syrin e zi
Sa shpresë kam edhe mall
Të të kem ty dashuri
Flokun supit kur e tund
Më bën të vuaj moj bukuri
Vuajtjes sime jepi fund
T’shkrihem e digjem si qiri
Ma jep buzën të ta puth
Sorkadhe e imja simpati
Le të digjem n’zjarr pa fund
Veç një herë të jem me ty
Autor: Islam Morina (maj, 2021)
