Xhaketa e ushtarit
Mos ma lajë moj nanë xhaketën
Se aty t’i shkrova ty nanë ca fjalë
Aty shkrova se nuk kisha pak letër
I shkrova frymë fundit tuj më dalë
Ma bëjë hallall moj nana ime
Se po shkoj ende pa më pa
Erdha dasmor të sjellë një nuse
Me gjak trupi sot nanë mu la
Nusja e bardhë moj nanë do vijë
A unë do tretem në bjeshkët me borë
Ia thonë emrin moj nanë asaj liri
Nuk vjen jo pa pasë shumë dasmorë
Kur të vjen moj nanë atë ditë
Dil e shihe sa nur e hijeshi ka
Për të rashë unë djalëmiri yt
Çlirimi i vegjëlisë nuk vjen fli pa ra
Tash edhe boja po më shteron
E xhaketa të shrkuaj vend ma s’po ka
Gjaku i trupit nanë po m’mbaron
Veç desha t’them se unë sot kam ra
Xhaketa ime të valojë këto anë
Si flamur krenarie ndër brezni
Le ta dinë pasardhësit tanë
Se pa derdhë gjak jo s’ka liri
Autor: Islam Morina (21.06.2020)
